Nisokatra tamin'ny fomba ofisialy ny ampahany lalambe migodana manomboka eo amin’ny PK0 Ambodifasina hatrany Ambohimanga Rova. Ankoatran’ny Filohan’ny Repoblika Andry Rajoelina sy Ramatoa vadiny, dia tonga nitsidika izany fotodrafitrasa izany ihany koa ny Mpanjakan'i Eswatini, Mswati III, ny Filohan'ny Repoblikan’i Zimbabwe, Andriamatoa Emmerson Mnangagwa ary ny Praiminisitry Lesotho, Andriamatoa Samuel Ntsokoane Matekane.
Hanala fahasahiranana sahady ho an'ireo mpampiasa ny lalana mivezivezy ho any Avaradrano sahady ity ampahany voalohany ity amin'ny fanenana ny fotoana lany amin'ny fitohanan’ny fifamoivoizana.