INFORMATIQUE

𝟎𝟐 𝐣𝐨𝐧𝐚 𝟐𝟎𝟐𝟔 | 𝐋𝐚𝐩𝐚𝐦-𝐩𝐚𝐧𝐣𝐚𝐤𝐚𝐧𝐚 𝐈𝐚𝐯𝐨𝐥𝐨𝐡𝐚

𝐓𝐚𝐭𝐢𝐭𝐫𝐲 𝐧𝐲 𝐅𝐢𝐥𝐚𝐧-𝐤𝐞𝐯𝐢𝐭𝐫𝐲 𝐧𝐲 𝐌𝐢𝐧𝐢𝐬𝐢𝐭𝐫𝐚

𝗛𝗼 𝗮𝗻' 𝗻𝘆 𝗠𝗜𝗡𝗜𝗦𝗜𝗧𝗘𝗥𝗔𝗡'𝗡𝗬 𝗔𝗦𝗔 𝗩𝗔𝗩𝗘𝗡𝗧𝗬 :

𝗜-𝗙𝗔𝗠𝗣𝗜𝗧𝗔𝗡𝗔 𝗔𝗠-𝗕𝗔𝗩𝗔

Nankatoavina ny fampitana am-bava momban' ny fandaminana indray ny fitantanana ny fananan’ny Minisiteran’ny Asa Vaventy, tantanan’ny ININFRA.

𝐈𝐚𝐫𝐚𝐡𝐚𝐧𝐚 𝐚𝐦𝐢𝐧'𝐧𝐲 𝐌𝐈𝐍𝐈𝐒𝐈𝐓𝐄𝐑𝐀𝐍'𝐍𝐘 𝐇𝐀𝐑𝐄𝐍𝐀 𝐀𝐍-𝐊𝐈𝐁𝐎𝐍'𝐍𝐘 𝐓𝐀𝐍𝐘

Nankatoavina ny fampitana am-bava momban' ny fanatanterahana tetikasa fampirantiana ny asa fikojakojana lalana amin’ny alalan’ny fampiasana ny "grès bitumineux" avy any Bemolanga ao Morafeno, izay vatsian’ny Tahirim-bolan’ny Lalana (Fonds Routier).

𝗜𝗜-𝗙𝗔𝗡𝗘𝗡𝗗𝗥𝗘𝗡𝗔 𝗠𝗣𝗜𝗔𝗦𝗔𝗠-𝗣𝗔𝗡𝗝𝗔𝗞𝗔𝗡𝗔 𝗔𝗠𝗕𝗢𝗡𝗬

Noraisina ny didim-panjakana manafoana ny didim-panjakana laharana faha 2023-466 tamin’ny 26 aprily 2023 ary manendry an’Andriamatoa 𝐑𝐀𝐓𝐒𝐈𝐅𝐀𝐇𝐄𝐑𝐀𝐍𝐃𝐀𝐇𝐘 𝐅𝐥𝐞𝐦𝐨𝐧𝐝 𝐃𝐨𝐥𝐢𝐧 ho "Directeur d’Appui aux Urgences" eo anivon’ny Minisiteran’ny Asa Vaventy.

Noraisina ny didim-panjakana manafoana ny didim-panjakana laharana faha 2025-1755 tamin’ny 8 desambra 2025 ary manendry an’Andriamatoa 𝐑𝐄𝐁𝐎𝐙𝐀 𝐙𝐚𝐟𝐢𝐧𝐝𝐫𝐞𝐯𝐚𝐥𝐨 𝐀𝐧𝐭𝐡𝐨𝐧𝐢𝐨 ho "Coordonnateur de la Cellule de la Coordination des Projets" eo anivon’ny Minisiteran’ny Asa Vaventy.