Nisokatra omaly alatsinainy tao amin’ny ivontoeran’ny JICA ao Tsukuba Tokyo, any Japon, ny fiofanana tanterahin’ireo tomponandraikitra miisa 19 avy amin’ny Ministeran’ny Asa Vaventy. Niroso avy hatrany tamin’ny fandaharam-potoana ireo mpandray anjara, taorian’ny fandraisana sy fampahafantarana ny ankapoben’ny fiofanana.

Niompana tamin’ny resaka fanajariana sy fitantanana ny fikojakojana ny lalana na “aménagement et gestion de l’entretien des routes au Japon” no lohahevitra nanombohana ny fiofanana omaly. Famelabelan-kevitra nataon’Andriamatoa FURUKI Moriyasy, Injeniera ao amin’ny « CTI Engineering International » any Japon.

Fitsidihana ny “Public Work Reaserch Institut (PWRI) ao Tsukuba, kosa no nanombohana ny fandaharam-potoana androany maraina. Docteur Ingénieur Shunsuka TANAKA, no nitondra ny famelabelarana izay nifantoka tamin’ny faharetan’ny lalana amin’ny alalan’ny fisorohana sy fikojakojana mialoha na “prolonger la vie de la chaussée par la maintenance préventive”. Nasongadiny tamin’izany ny “Approche d’entretien préventive” sy ny “ligne directrice d’inspection de route”. Nitohy ny tolakandro tamin’ny fitsidihana ifotony ny « centre de test de chaussée » ny fandaharam-potoana ny tolakandro.

Nofaranana tamin’ny fiaraha-misakafo tamin’ny solontena avy tao amin’ny Masoivoho Malagasy ao Tokyo, notarihin-dRamatoa TOTOZAFY Harisoa Veronique, « Chargée d’Affaire », sy ireo tomponandraikitra avy ao amin’ny CHODAI sy ny CTII ny fotoana androany hariva.

#MTP #travauxxpublics #formation #entretiendesroutes #Japon